நிகிதா
என்றொரு
நிக்கி...
-
கோபால்தாசன்
நிக்கியின் சேட்டைகளில்
ஞாயிற்றுக்கிழமையில் மொட்டை மாடியில்
பத்தரைக்கு தூங்கி எழக்கூடியவன் அன்று
சீக்கிரமாகவே எழுந்துவிட்டேன்
அவள்
‘அங்கிள் கிரிக்கெட் விளையாடலாமா’
என ஒரு பந்தை கையில் வைத்து
உருட்டியபடி நின்றுகொண்டிருந்தாள்
‘விளையாட இப்ப
நேரமில்லடா அப்பறம்’ என
பாத்ரூம் போனேன்
அங்கேயும் வந்து
கதவை தட்டிக்கொண்டே
இம்சை...
‘சரி இரு வர்ரேன்’ என
அவளோடு விளையாடும்போது-
பந்து மொட்டை மாடியிலிருந்து
கீழே விழுந்தது
‘போய் எடுத்துட்டு வாரேன்’ என
ஓடினாள்
நான் அதற்குள் பல்துலக்க
ஆரம்பித்தேன்
‘அங்கிள்...’ என வந்து
முறைத்தாள்
‘வரேண்டா...’ என்றேன்
‘இப்படி பண்ணினீங்கன்னா
நா பேசவே மாட்டேன்’
என்றாள்
‘சரிடா...’ன்னு விளையாட்டு
தொடர்ந்தது
இப்போது பந்தை அவள் அடிக்க
நான் போட்டேன்
அவள் அடித்த பந்து மறுபடியும்
கீழே விழுந்தது
‘இனி நான் போமாட்டேன்’ என
அடம்பிடித்தாள்
‘ஏன்?’ என்றேன்
‘அம்மா என்னை குளிப்பாட்டிடுவாங்க’
என
கண்ணை கசக்கினாள்!
0 comments:
Post a Comment