அஞ்சு வருச கணக்கு ஒண்ணு போடு!

            

ஓட்டுப் போடும் முன்னே
கொஞ்சம் யோசி – மை
ஈரம் காய்ந்த பின்னே
பாத்தா போச்சு!

நாளெல்லாம் கஷ்டப்
பட்டு என்ன – ஒரு
பணங் காசு சேர்க்க
உண்டா பின்ன?

வயித்துப் பாடு பாத்து
நாளு போச்சு – ஒரு
கடன அடைக்க
துப்பில்லாது போச்சு!

விலைவாசி வானந்
தாண்டி போச்சு – ஒரு
பொருள வாங்க
கனவு காணலாச்சு!

ஓட்டுக்கு காசு
தருவாங்க – அது
உனக்கு வைக்கும்
ஆப்பு என புரிஞ்சுக்குங்க!

அஞ்சு வருச கணக்கு
ஒண்ணு போடு – புது
அரச ஒண்ணு
கொண்டு வந்து பாரு!

                     - கவிஞர் கோபால்தாசன்