பூவனம்

இரவில்
தலையைக் கோதிவிட்டு
உறங்க வைக்கவும்

கால்களின் வலிக்கு
அமுக்கி விடுவதற்கும்

காலையில்
தட்டியெழுப்பி
தேநீர் அருந்த சொல்வதும்

துள்ளிக் குதித்து
குளியலறையைத் தேடி
பல்துலக்கி, குளித்துவிட்டு
அமரும்போது

சாப்பிடுங்கள் என
காலை டிபனை  எடுத்து வைத்து
விட்டுச் செல்வதும்

சாப்பிட்டு முடித்துவிட்டு
ஆடைகளை மாற்றிக் கொண்டு
பணிக்கு எடுத்துச் செல்லும்
பையைத் தேடுவதில்

இதோ என்றபடி
பைக்குள் மதிய உணவை
வைத்து
பணிக்கு அனுப்பி வைப்பதும்

மதியம் தொடர்பு கொண்டு
உணவு நிலவரங்களைக்
கேட்டறிவதிலும்

மனைவி என்பவள் -
தாய்மைக்கு நிகரானவள்!